दमक-रवि सडक कालोपत्रे गर्न सुरु


इलाम । महाभारत पर्वतको दाँयाबाँया इलाम र पाँचथरको बासिन्दालाई तराईसँग जोड्ने बहुप्रतिक्षित दमक-चिसापानी-रवि सडकको कालोपत्रे गर्ने काम सुरु भएको छ ।

दमकदेखि दक्षिणी इलाम र पाँचथर जोडिएको फाल्गुनन्द मार्गको स्तरोन्नत्ति र कालोपत्रे गर्ने काम सुरु भएको हो । संस्थागत रूपमा विसं २०४७ सालमा ट्रयाक खनिएको ४७ किलोमिटर लामो निर्माणाधीन सडकको तीन खण्डमा कालोपत्रको काम अघि बढेको छ ।

सडक डिभिजन कार्यालय दमकमार्फत हुँदै आएको कामको पहिलो चरणमा ६ दशमलव २९ किलोमिटर कालोपत्रे भइरहेको छ । सडकको पहिलो खण्डको लागत २२ करोड ५९ लाख रहेको छ । महालक्ष्मी र किराँतेश्वर जेभीसँग २०७५ असार २९ मा सम्झौता भएको सो खण्ड आगामी चैतसम्ममा पूर्ण रूपमा कालोपत्र हुने भएपछि स्थानीय खुसी छन् ।

दोस्रो खण्डको १५ दशमवल २६ किलोमिटर सडक ५४ करोड ४४ लाख लागतमा लुम्बिनी र गणपति जेभीसँग निर्माणको सम्झौता भएको छ । तेस्रो खण्डको ११ दशमलव ३० किलोमिटर सडक कालोपत्रेका लागि ५९ करोड १५ लाखमा कालोपत्रे हुने सडक डिभिजन दमकले जनाएको छ ।

३४ दशमलव ५ किलोमिटर डिपिआर गरिएको मध्ये २५ किलोमिटर सडक खण्ड कालोपत्रेका लागि काम हुँदै आएको छ । इलामको माङसेबुङदेखि चिसापानीसम्मको २५ किलोमिटर सडकखण्डलाई कालोपत्रे स्तरमा स्तरोन्नत्ति गर्ने काम हुँदै आएको हो । दमक-रवि सडक २०१५ सालमा सर्वे भइ जनस्तरबाटै ट्रयाक खन्न थालिएको थियो । इमेज खबरबाट


प्रतिक्रिया दिनुहोस !

सम्बन्धित खबरहरु

माओवादी अध्यक्ष प्रचण्डलाई कोरोना संक्रमण पुष्टि
पाँचथरमा भीरबाट लडेर एक जनाको मृत्यु
हेलिकप्टरबाट उद्धार गर्न नसकिएको ताप्लेजुङका बाबुछोरा छ दिनपछि आफैं फर्किए
पाल्पामा मलामी बोकेको बस दुर्घटना, सात जनाको ज्यान गयो