जंगली च्याउ खादा बिरामी परेका अर्का एकको मृत्यु


संखुवासभा । जिल्लाको सिलिचोङ गाउँपलिका वडा नं. ५ याफुका जंगली च्याउ खाँदा विरामी भएकामध्ये अर्का एक जनाको ज्यान गएको छ । लाईगार्ड अस्पताल विराटनगरमा उपचाररत २१ बर्षिया निर्जला राईको ज्यान गएको हो ।

सोमबारबाट आईसियु कक्षामा उपचाररत उनको मंगलबार विहान ज्यान गएको आफन्त डेविन मेवाहाङले जानकारी दिए । यो भन्दा अगाडी एकै पटक विरामी परेका आठ बर्षिया रोजिना राईको ज्यान गईसकेको छ । गत शुक्रबार राति च्याउ खाएर एकै घरका ९ जना विरामी परेका थिए ।

सिलिचोङ गाउँपालिका वडा नं. ५ याफुका बुवा बुद्ध बहादुर राई र आमा बुद्धि माया राईसहित परिवारका नौ जना विरामी परेका छन् । बुवाको याफु आधारभूत स्वास्थ्य इकाईमा उपचार भईरहेको छ ।

जिल्ला अस्पतालमा उपचार नहुने भएपछि धरान विपी काईराला स्वास्थ्य विज्ञान प्रतिष्ठान धरान प्रेषण गरिएको आठ विरामीमध्ये दुई जनाले ज्यान गुमाएको छ । मृतक निर्जला राई कान्छा छोरा सहदेवका श्रीमति हुन् । उनीहरुको ४ महिनाको बच्चा रहेको छ । बच्चा आफन्तको सहारामा गाउँमै राखिएको जनाईएको छ ।


प्रतिक्रिया दिनुहोस !

सम्बन्धित खबरहरु

प्रदेश १ को बजेट ३२ अर्ब ४६ करोड, आर्थिक वृद्धि ऋणात्मक
प्रदेश १ सरकारले आज करिव ३४ अर्बको बजेट ल्याउँदै
बोका, बाख्रालाई प्लेकार्ड झुण्डाएर बेलबारी नगरपालिकाको गेटमा प्रदर्शन
गोर्खाली पाराको खेलबाट सन्तुष्ट छु : अलमुताइरी