इलामको माईजोगमाईमा आलु भण्डार स्थापना


नयाँबजार । माईजोगमाई गाउँपालिका वडा न १ मा आलु भण्डारणका लागि रष्ट्रिक स्टोर स्थापना गरिएको छ ।

स्थानीय कालिका कृषि सहकारी संस्थाको आलु भण्डार (रष्ट्रिक स्टोर) कृषि अनुसन्धान केन्द्र जौबारीको २० लाख रुपैयाँको लागतमा निर्माण भएको हो । उक्त स्टोरको गाउँपालिका अध्यक्ष जीतबहादुर राईले उद्धघाटन गरेका हुन् ।

कार्यक्रममा आलु अनुसन्धान केन्द्रका प्रमुख गणेश खत्री र वडा नं १ का वडाध्यक्ष यामबहादुर कार्कीको विशेष आतिथ्यता रहेको थियो । रष्ट्रिक स्टोरमा १ सय टनसम्म आलु भण्डारण गर्न सकिने गाउँपालिका अध्यक्षका स्वकीय सचिव सन्जिव थार्मीले जानकारी दिए । कार्यक्रममा बोल्दै गाउँपालिका अध्यक्ष राईले आलुमा आत्मनिर्भर हुन जौवारी कृषि अनुसन्धान केन्द्रसंग समवन्य गरी अघि बढिरहेको बताए ।

उनले सहकारीताको माध्यमबाट कृषि क्षेत्रमा लगानी बढाउँदै सहकारीलाई विशेष अनुदानको व्यवस्था गर्न गाउँपालिका तयार रहेको बताए । चिसो हावापानी, घमाइलो, मलिलो माटो भएकाले पनि माईजोगमाई गाउँपालिकालाई आलु खेतीका लागि राम्रो ठाउँ मानिएको छ ।

आलु अनुसन्धान केन्द्र पुर्नस्थापना भएपछि हाल गाउँपालिका क्षेत्रका धेरै जसो किसान आलु खेतीमा आकर्षित भएका छन् ।


प्रतिक्रिया दिनुहोस !

सम्बन्धित खबरहरु

उर्लाबारीमा बन्चरो प्रहार गरी श्रीमतीको हत्या
खोटाङमा निजी आवास पुनःनिर्माणको काम ७५ प्रतिशत सकियो
प्रदेश लोकसेवा आयोगको गरिमा संस्थाको निष्पक्षता छ : प्रदेश नं १ प्रमुख अधिकारी
झापामा मध्यावधि निर्वाचनको तयारी सुरु, चारवटा मतदान स्थल थप्ने निर्णय