पूर्वी पहाडी जिल्लामा असोजदेखि यातायात चलाइने


झापा । लामो समयदेखिको बन्दाबन्दीले हजारौ मजदुरको रोजीरोटी गुमेको र बैँकको साँबा ब्याज तिर्न समस्या भएको भन्दै मेची राजमार्गमा सञ्चालन भइरहेको सार्वजनिक सवारी साधन असोज १ गते संचालनमा आउने भएका छन ।

मेची राजमार्ग क्षेत्रमा संचालन हुदै आएका १३ वटा यातायात सम्बद्ध संघसंस्थाले प्रमुख जिल्ला अधिकारीलाई ज्ञापन पत्र बुझाउँदै आउँदो असोज १ गतेदेखि सवारी सञ्चालन गर्ने जनाएका हुन् ।

यातायात व्यवसायीहरुले झापाका प्रमुख जिल्ला अधिकारीलाई ज्ञापनपत्र बुझाउँदै बन्दाबन्दीका कारण यातायात मजदुरको जीवन कष्टकर भएको, व्यवसायीहरुले बैकको व्याज र ऋण तिर्न नसक्ने अवस्था आएको भन्दै मेची राजमार्ग अन्तर्गत चल्ने सबै सार्वजनिक सवारीहरु पूर्ण रुपले सञ्चालन गर्ने ज्ञापनपत्रमा जनाएका हुन् ।

आइतवार प्रमुख जिल्ला अधिकारीलाई बुझाइएको ज्ञापनपत्रमा बन्दाबन्दीको सबैभन्दा बढी असर यातायात क्षेत्रमा परेकोले इलाम, पाँचथर र ताप्लेजुङ जिल्ला प्रशासन कार्यालय समक्ष समेत ज्ञापन बुझाइने संस्थाका प्रतिनिधिले बताएका छन ।

बिर्तामोडस्थित टेकबहादुर गिरी बसपार्कमा भएको बैठकमा कञ्चनजंघा मेची यातायात, पूर्वाञ्चल यातायात प्रालि, विशाल भलाई यातायात प्रालि, बुद्धशान्ति यातायात, बुद्धशान्ति अटो प्रालि, हातेमालो यातायात, मेची पहाडी यातायात, पाथीभरा यातायात, अर्जुनधारा यातायात, हिमाल यातायात, तमोर मैवा यातायात, मेची अटो यातायात र तिम्बुङ पोखरी यातायातका अध्यक्ष तथा प्रतिनिधिहरुको सहभागिता थियो ।

ज्ञापनको बोधार्थ जिल्ला प्रहरी कार्यालय, जिल्ला ट्राफिक प्रहरी कार्यालय र इलाका प्रहरी कार्यालय बिर्तामोडलाई दिइएको कञ्चनजंघा यातायातका अध्यक्ष नरहरि चापागाँईले बताए ।

झापाबाट पूर्वी पहाडी जिल्ला इलाम, पाँचथर ताप्लेजुङ्ग लगायातका जिल्लाहरुमा साना ठुला गरि सयौ यातायात संचालनमा छन् ।


प्रतिक्रिया दिनुहोस !

सम्बन्धित खबरहरु

माहामारीका बीच इलाममा ८० किलोमिटर विद्युत प्रशारण लाइन विस्तार
झापामा बढ्यो तस्करी, एसएसबीले गर्‍यो ९० बोरा सुपारी बरामद
‘चिकित्सकले समयमै उपचार नगरेपछि’ भद्रपुरमा एक संक्रमितको मृत्यु
जो संक्रमितको घरघरमा भेटिन्छ