‘उ आउन त आई´ (गजल )


 कृष्ण ढकाल 

‘उ आउन त आई´

पूर्णिमाको जुनझैँ उज्यालो जिन्दगीलाई

औंसीको रात झैँ आज अँध्यारोमा पारेर गई ।

जिन्दगीभर साथ निभाउने कसम खाएर

आज आफ्नै वचनबाट उ हारेर गई ।

उ आउन त आइ..

तर, क्षणभरमै खुसी जति उसको पोल्टामा सारेर गई ॥

शब्दहरूलाई कोष्ठभित्र राखे झैँ ,

सम्बन्धको कोष्ठमा उसलाई राखेर

म त्यहीभित्र रमाउन चाहन्थे

तर उसले त सम्बन्धलाई सिधै पूर्णविराम लगाएर गई ।

हो उ आउन त आई…..

तर क्षणभरमै हाम्रो सम्बन्धलाई

जिउँदै तर्पन चढाएर गई ॥

मदन,मजनु,रोमियो सबै तिमी नै हौँ भन्थी

ती महान प्रेमीहरूलाई पनि आज कलंकित पारेर गई ।

उसैका यादहरूले मस्तिष्कमा छुरा चलाएर

मुटुलाई नै धुजा धुजा पारेर गई ।

उ आउन त आई…..

तर क्षणभरमै,

त्यो मनको माया यो मनसँग मारेर गई ॥


प्रतिक्रिया दिनुहोस !

सम्बन्धित खबरहरु

बडादशैंको आठौं दिन महाअष्टमी पर्व मनाइँदै, राज्यका तर्फबाट दिइने बलि र कालरात्रि पूजा रोकियो
आजको राशिफल : कार्तिक २ गते, आइतबार
आजको राशिफल : असोज २४ गते, शनिबार
मन्त्री भुषालद्वारा पत्रकार सिग्देलको ‘एकदिन’ बिमोचन