वीपी प्रीतष्ठानले भर्ना नलिएपछि धरानमा कोरोना संक्रमित राख्न वनको भवनमा आइसोलेशन


सुनसरी । वीपी कोइराला स्वास्थ विज्ञान प्रतिष्ठान धरानले कोरोना संक्रमित बिरामीलाई भर्ना लिन नमानेपछि धरान उपमहानगरपालिकाले स्थानीयका लागि छुट्टै आइसलेशन सेन्टरको व्यवस्था गरेको छ ।

धरान उपमहानगरपालिका १९ स्थित हरियाली सामुदायिक वनको भवनमा २२ बेडको आइसोलेशन सेन्टर स्थापना गरिएको धरानका मेयर तिलक राईले बताउनु भयो । धरानका १२ जना कोरोना संक्रमित वीपी प्रीतष्ठानमा बेड नभएर फिर्ता पठाएपछि उनीहरुलाई राख्न छुट्टै आइसोलेशन सेन्टर स्थापना गरीएको हो ।

वीपी प्रतिष्ठानका उपकुलपति डाक्टर ज्ञानेन्द्र गिरीले बिरामीको उपचारमा ध्यान नदिँदा समस्या बढ्दै गएको पीडितहरुको आरोप छ ।स्थानीय सरकारसँग समेत समन्वय नगरेका कारण कोरोना संक्रमित बिरामीले अस्पतालबाट उपचार सेवा पाउन सकेका छैनन् ।

वनको भवनमा स्थापना गरीएको आइसोलेशन सेन्टरमा सिसी टिभी जडान गरेर बाहिरी सुरक्षा नेपाली सेनालाई दिइएको छ ।


प्रतिक्रिया दिनुहोस !

सम्बन्धित खबरहरु

देशभर थप १ हजार १ सय ५४ जनामा संक्रमण पुष्टि, संक्रमितको संख्या ६५ हजार नाघ्यो
बीएण्डसी हस्पिटलका १२ स्वास्थ्यकर्मी कोरोना संक्रमण मुक्त
विश्वभर ३ करोड ९ लाखभन्दा बढी मानिसलाई कोरोना भाइरसको संक्रमण
एकैदिन अहिलेसम्मकै सबैभन्दा बढी १४५९ कोरोना संक्रमित थपिए