आज राती १२ बजेदेखि बिर्तामोड लकडाउन गर्ने निर्णय


झापा । कोरोना भाइरस कोभिड–१९ को संक्रमण समुदाय स्तरमा फैलिदै गएसँगै झापाको बिर्तामोड नगरपालिका बिर्तामोड नगरपालिकाले नगर क्षेत्रमा बन्दाबन्दी (लकडाउन) गर्ने निर्णय गरेको छ ।

आज राती १२ बजेदेखि लागु हुने गरी लकडाउनको गर्ने निर्णय गरेको नगरपालिकाले जनाएको छ । बिर्तामोडमा समेत कोरोना संक्रमणको जोखिम बढेपछि लकडाउन गर्ने निर्णय गरेको नगर प्रमुख ध्रुव कुमार शिवाकोटीले बताए ।  बिर्तामोडमा संक्रमितसँगकाे ट्रेसिङ, टेस्टिङ गर्न अर्को सूूचना प्रकाशित नहुन्जेलका लागि लकडाउन हुनेछ ।

बिर्तामोड लकडाउनमा के के हुनेछन् बन्द ?

बिर्तामोडमा समेत कोरोना संक्रमणको जोखिम बढेपछि लकडाउन गर्ने निर्णय गरेको बताइएको छ । स्वास्थ्य क्षेत्र बाहेकका सबै उद्योग व्यवसायहरु पूर्ण बन्द गर्ने, लामोदुरीका सवारीलाई भने बिर्तामोडमा रोक्न नदिई सिधै गन्तव्यतर्फ जान दिने निर्णय भएको छ ।

त्यसैगरी अतिआवश्यक खाद्यलगायतका ढुवानी गर्ने साधनलाई चल्न दिईने भएको छ । त्यसमा स्वास्थ्य सुरक्षालाई उच्चतम ध्यान दिनुपर्ने नगर प्रवक्ता अग्नीप्रसाद पाण्डेले बताए ।

आईतबार नगरपालिकामा भएको सर्वपक्षिय बैठकमा जनप्रतिनिधी, प्रदेश सभाका सांसद, नागरिक समाज, कार्यपालिका समिति, उद्योग बाणिज्य संघ, सुरक्षा निकाय, बैकर्स, रेडक्रस लगायतका संघ–संस्थाको उपस्तिथि रहेको प्रवक्ता पाण्डेले बताए ।

बिर्तामोडमा संक्रमितसँगको ट्रेसिङ, टेस्टिङ गर्न अर्को सूूचना प्रकाशित नहुन्जेलका लागि लकडाउन हुने बताइएको छ । यस्तै नीजि तथा सार्वजानिक सवारी साधनलाई नगर क्षेत्रमा पूर्ण रुपमा निषेध गरिने बताइएको छ ।

यसैबीच बिहान ८ बजेदेखि ११ बजेसम्म भने खाद्यान्न, दूध, तरकारी लगायतका पसलहरु सञ्चालन गर्न दिइने जनाइएको छ । कसैले लकडाउनको उल्लंघन गरेमा कानुन अनुसार कारबाही गरिने बताइएको छ । झापामा पछिल्लो समय कोरोना भाइरसको संक्रमण समुदायमा फैलन सक्ने भन्दै त्रास सिर्जना भएको छ ।


प्रतिक्रिया दिनुहोस !

सम्बन्धित खबरहरु

रातेखालमा टाङ्टिङ्ग नदीको बाँध भत्किने जोखिम, नियन्त्रणका लागि जुटे स्थानीय
अर्जुनधाराको १ नम्बर वडा सिल गर्ने निर्णय
कोरोनाको जोखिम न्यूनीकरण गर्न बिर्तामोड प्रहरीको ‘एसएमएस’ अभियान
झापामा रगतको अभाव हुन नदिन ईटाभट्टामा रक्तदान