लकडाउन खुलेकै दिन १६ आन्तरिक उडान


काठमाडौं। त्रिभुवन अन्‍तर्राष्‍ट्रिय विमानस्थलमा हिजो एकैदिन १६ वटा आन्तरिक उडान भएका छन्।

लकडाउन शुरू भएयताकै यो सबैभन्दा बढी चार्टर्ड उडान हो। यसअघि असारको दोस्रो साता दैनिक १० देखि १४ वटासम्म आन्तरिक उडान भएका थिए।

हिजो यती एअरलाइन्सले पोखराबाट सबैभन्दा बढी ५२ यात्रु काठमाडौं ल्याएको थियो भने सीता एअरले सुर्खेतमा १६ यात्रु लगेको छ।

सिम्रिक एअर, कैलाश एअर, मनाङ एअर, एअर डाइनेष्टिको हेलिकप्टरले विभिन्न गन्तब्यमा उपचारका लागि उद्धार उडान गरेको विमानस्थल कार्यालयले जनाएको छ ।

सरकारले गत ११ चैतबाट देशभर लागू गरेको बन्दाबन्दी हिजो रातिदेखि पूर्णरूपमा हटाउने निर्णय गरेको थियो ।

आन्तरिक तथा अन्तर्राष्‍ट्रिय उडान भने १ भदौदेखि सञ्चालन गर्ने निर्णय गरिसकिएको छ।


प्रतिक्रिया दिनुहोस !

सम्बन्धित खबरहरु

हालसम्म ७६ हजार ९६७ नेपाली स्वदेश फर्किए
सोमबारदेखि पूर्ण क्षमतामा आन्तरिक उडान, ५० प्रतिशत टिकट बुकिङ
सिन्धुपाल्चोक पहिरो अपडेट : ३ जनाको शव भेटियो, अझै २४ जना बेपत्ता !
गाडी थन्किँदा ४५ लाखको गुजारा संकटमा, असोज १ गतेदेखि चलाउने अनुमति नपाए एकलौटी सञ्चालन गर्ने चेतावनी