भारतको पश्‍चिमबंगालमा धार्मिक स्थलहरू खुला गरिँदै


कोलकाता । भारतमा लकडाउनको पाँचौं चरणका विभिन्‍न अडकलहरूबीच पश्‍चिमबंगाल सरकारले १ जुनदेखि धार्मिक स्थलहरू खुला गर्ने निर्णय गरेको छ।


आगामी सोमबारदेखि मन्दिर, मस्जिद, चर्च र गुरुद्वारा खोल्न दिने निर्णय प्रदेश सरकारले गरेको हो। लकडाउनपछि धार्मिक स्थलहरू खोल्न दिने पहिलो राज्य बनेको छ, पश्‍चिमबंगाल।

मुख्यमन्त्री ममता बनर्जीले हिजो आफ्नो अनलाइन पत्रकार सम्मेलनमा उक्त घोषणा गरेकी हुन्। यस्तै, ८ जुनदेखि निजी र सार्वजनिक क्षेत्रहरूमा शतप्रतिशत क्षमतामा काम शुरु हुने उनको भनाइ थियो।

धार्मिक स्थलहरू खुले पनि तिनमा १० जनाभन्दा बढी मानिसलाई भेला हुन नदिइने मुख्यमन्त्री बनर्जीले बताइन्। यस्तै, भीडभाड हुने कुनै पनि समारोह आयोजना गर्न नदिइने उनको भनाइ छ ।


प्रतिक्रिया दिनुहोस !

सम्बन्धित खबरहरु

मलेसियामा प्रतिमहिना औषत २३ नेपालीको मृत्यु
मलेसियामा अबैधानिक रुपमा बसेका नेपालीलाई स्वदेश फर्कने अवसर
मलेसियाको जोहोर राज्यमा पिएनसीसी को हेल्पडेक्स
काबुलमा नेपालीको सस्तो मृत्यु